 |
Statistics |
|
| Total Visited: 10188 |
| User Online:
4 |
| Max User Online:
14
|
|
 |
LMA Soundtrack |
|
|
|
|
|
|
|
ລາວ ມິວສິກອະວອດ ເລືອກໄດ້ 4 ອັນດັບສຸດທ້າຍແລ້ວ
ໂຄງການລາວ ມິວສິກອະວອດໄດ້ຖະແຫຼງຂ່າວໄປແລ້ວແຕ່ວັນທີ 2 ພຶດສະພາ 2008 ຫຼັງຈາກນັນ ຄະນະຈັດຕັ້ງງານ ແລະຄະນະກຳມະການກໍໄດ້ສັງຮວມເອົາບັນດາຜົນງານທີ່ນັກສິລະປິນ ແລະຄ້າຍເພງຕ່າງໆ ສົ່ງເຂົ້າມານັ້ນ ໄປພິຈາລະນາເປັນເວລາຫຼາຍວັນ.
ມາຮອດວັນທີ 31 ພຶດສະພາ 2008 ຄະນະກຳມະການຈຶ່ງໄດ້ເປີດກອງປະຊຸມປຶກສາຫາລື ຕັດສິນເອົາ 4 ອັນດັບສຸດທ້າຍໃນແຕ່ລະລາງວັນ ແລະໃນຕອນແລງຂອງມື້ດຽວກັນກໍໄດ້ຈັດພິທີຖະແຫຼງຂ່າວຜົນຂອງການຕັດສິນໃນທັນທີ ເຊິ່ງລາຍລະອຽດຂອງ 4 ອັນດັບສຸດທ້າຍໃນແຕ່ລະລາງວັນມີດັ່ງນີ້:
1. ລາງວັນນັກຮ້ອງດີເດັ່ນແຫ່ງປີ:
ກ. ໄກສີ ວັງເວີນໂຂງ ຂ. ກິ ດາວເພັດ ໜູຫ່ວງ
ຄ. ຕິ່ງ ໄພລາວັນ ງ. ຕົ້ນ ອານິລຸດ
2. ລາງວັນເພງດີເດັ່ນແຫ່ງປີ:
ກ. ຄົນມືສອງ ຂອງ Cell ຂ. ເຈັບບໍ່ຈຳ ຂອງ ຕຸລີ່
ຄ. ລົມໜາວເດືອນຍີ່ ຂອງ ເດືອນ ວິລະດາ
ງ. ລຳວົງສາລະວັນ ຂອງ ກິ ດາວເພັດ ໜູຫ່ວງ
3. ລາງວັນ ອາລະບ້ຳດີເດັ່ນແຫ່ງປີ:
ກ. ຄຣີມ ຂ. ຫ້ອງຮຽນພິເສດເພື່ອໝົດທຸກຄົນ
ຄ. Cells ງ. LOG
4. ລາງວັນນັກຮ້ອງຊາຍດີເດັ່ນແຫ່ງປີ:
ກ. ຕົ້ນ ອານິລຸດ ຂ. ອານຸສອນ
ຄ. ກິມມີ້ ງ. ແຊມ ອິນທະລະພິທັກ
5. ລາງວັນ ນັກຮ້ອງຍິງດີເດັ່ນແຫ່ງປີ:
ກ. ອາເລັກຊານດຣ້າ ຂ. ວິໄລພອນ ວົງສາ
ຄ. ອາລູນ່າ ງ. ນາລິນ
6. ລາງວັນນັກຮ້ອງຄູ່ຫຼືກຸ່ມດີເດັ່ນແຫ່ງປີ:
ກ. Secret ຂ. ວອນວິໄລ+ຫົງສຳພາດ
ຄ. ໄວຫວານ ງ. Modern dance
ຈ. B-Hero
7. ລາງວັນນັກຮ້ອງນ້ອງໃໝ່ດີເດັ່ນແຫ່ງປີ:
ກ. ຄຣີມ ທິດາສະຫວັນ ຂ. ແຊມ ອິນທະລະພິທັກ
ຄ. ຕຸລີ່ ງ. ນາລິນ
8. ລາງວັນເພງລູກທົ່ງບ້ານນາດີເດັ່ນແຫ່ງປີ:
ກ. ຄອຍນ້ອງມາຢາມ ຂອງ ບຸນເຫຼືອ ວາລິເດດ
ຂ. ລຳວົງສາລະວັນ ຂອງ ກິ ດາວເພັດ ໜູຫ່ວງ
ຄ. ເຂັນຝ້າຍຄອຍຊາຍ ຂອງ ເດືອນ ວິລະດາ
ງ. ເຊີ້ງປະເພນີລາວ ຂອງ ກຸຫຼາບເມືອງເພຍ
9. ລາງວັນຂັບລຳດີເດັ່ນແຫ່ງປີ:
ກ. ເຕີ້ຍຫົວດອນຕານ ຂອງ ອ້ອຍໃຈ ມາໄລຮັກ
ຂ. ລຳສີພັນດອນ ຂອງ ວຽງພູໜູນິ້ມ
ຄ. ລຳສາລະວັນ ຂອງ ມີ ມາລີວັນ
ງ. ຂັບທຸ່ມຫຼວງພະບາງ ຂອງ ມີ ມາລີວັນ
10. ລາງວັນເພງປັອບດີເດັ່ນແຫ່ງປີ:
ກ. ຄວາມຮູ້ສຶກບອກ ຂອງ ອາລູນ່າ
ຂ. ໂມຄະ ຂອງ ຄຣີມ ທິດາສະຫວັນ
ຄ. ຄິດຮອດ ຂອງ ຕຸລີ່
ງ. ເບົ້າບ້າໆ ຂອງ ນາລິນ
11. ລາງວັນເພງຣັອກດີເດັ່ນແຫ່ງປີ:
ກ. ຫວານ ຂອງ Cell ຂ. ຢ່າເຮັດໃຫ້ຫວັ່ນໄຫວ ຂອງ Secret
ຄ. ເນາະ ຂອງ ພັ້ງກີ້ດໍ ງ. ນາງຟ້າ ຂອງ Meduzia
12. ລາງວັນເພງຮິບຮັອບດີເດັ່ນແຫ່ງປີ:
ກ. ອີ່ຫຍັງກະໄດ້ ຂອງ LOG ຂ. ສຸດຫຼໍ່ ມ4 ຂອງ LOG
ຄ. ຖ່ານດຳ ຂອງ L-Zone ງ. ເປັນຫຍັງຕໍ່ກັນຂອງ ແຊມ ອິນທະລະພິທັກ
13. ລາງວັນນັກປະພັນດີເດັ່ນແຫ່ງປີ:
ກ. ຕີ ອຸດາໄລ ຂ. ອະທິສັກ ລັດຕະນະວົງ (ສັກ Cell)
ຄ. ຜິວພອນ ງ. ລິ່ງ ລັດສະໝີ (ລິ່ງ L-Zone)
14. ລາງວັນນັກຜະລິດເພງດີເດັ່ນແຫ່ງປີ:
ກ. ໂນ້ ມະໂນໄຊ ຂ. ໝີ ສຸລິນທອນ
ໃນນີ້ 3 ລາງວັນທຳອິດ ຄະນະກຳມະການຈະເປີດໃຫ້ ປະຊາຊົນຮ່ວມຕັດສິນໂດຍການໂຫວດຜ່ານກ່ອງເປົ່າຜະລິດຕະພັນຢາຖູແຂ້ວໃກ້ຊິດ (Close Up) ແລະ SMS ທາງເຄືອຂ່າຍທິໂກ (Tigo). ນອກຈາກ 3 ລາງວັນທຳອິດແລ້ວ ແມ່ນຄະນະກຳມະການຈະເປັນຜູ້ຄັດເລືອກຕໍ່ໄປ.
ແລະເມື່ອໃກ້ຊິຮອດມື້ງານຕົວຈິງ, ຄະນະກຳມະການຈະມາປະຊຸມກັນອີກເທື່ອໜຶ່ງເພື່ອເລືອກເອົາ 1 ໃນ 4 ຂອງແຕ່ລະລາງວັນ ເຊິ່ງຈະເປັນຜູ້ທີ່ໄດ້ຮັບລາງວັນ ລາວ ມິວສິກ ອະວອດ 2008. ໂດຍທັງ 2 ຄັ້ງຂອງການຄັດເລືອກຜູ້ທີ່ຈະໄດ້ຮັບລາງວັນນີ້ ຈະມີບໍລິສັດ KPMG ເຊິ່ງເປັນ ບໍລິສັດ ກວດສອບບັນຊີ ເຂົາມາເປັນກຳມະການນັບຄະແນນ ເພື່ອເຮັດແນວໃດໃຫ້ການຕັດສິນມີຄວາມຖືກຕ້ອງແລະເປັນທຳທີ່ສຸດ.
-
ໂດຍ: ສົມສັກ ມະຫາຊົນ 202 8220 mahason_answers@hotmail.com
Posted on: 03-Jun-08 By: Sack
|
|
|
|
